-అభినందించిన సైబరాబాద్ సీపీ స్టీఫెన్ రవీంద్ర, ఐపీఎస్.,
నమస్తే శేరిలింగంపల్లి: హిమాయత్ సాగర్ సర్విస్ రోడ్ వద్ద ఓ మహిళ ఆత్మ హత్య కు పాల్పడగా.. విధి నిర్వహణలో ఉన్న ట్రాఫిక్ కానిస్టేబుల్ ఆ మహిళను రక్షించాడు. వివరాలు శనివారం రాత్రి 8.30 గంటల సమయంలో హిమాయత్ సాగర్ సర్వీస్ రోడ్ వద్ద ఓ మహిళ ఆత్మ హత్య కు పాల్పడగా.. అక్కడే విధులు నిర్వహిస్తున్న రాజేంద్రనగర్ ట్రాఫిక్ పోలీస్ స్టేషన్ కానిస్టేబుల్ కే.రమేశ్ నీటిలో దూకి మహిళను కాపాడి ఒడ్డుకు చేర్చాడు. స్థానికుల సహాయం తో ప్రథమ చికిత్స అందించి ప్రాణాలు కాపాడాడు. ఉన్నతాధికారుల సూచనల మేరకు రాజేంద్రనగర్ పోలీసులకు సమాచారం అందించారు. సకాలంలో ప్రాథమిక చికిత్స అందించి ఓ మహిళ ప్రాణాలు కాపాడిన కానిస్టేబుల్ను సైబరాబాద్ ట్రాఫిక్ జాయింట్ సిపి నారాయణ్ నాయక్, ఐపిఎస్., రాజేంద్రనగర్ ట్రాఫిక్ ఇన్ స్పెక్టర్ శ్యామ్ సుందర్ రెడ్డి సమక్షంలో సైబరాబాద్ సీపీ అభినందించి రివార్డు అందజేశారు.
