నమస్తే శేరిలింగంపల్లి : శేరిలింగంపల్లి డివిజన్ లోని హౌసింగ్ బోర్డ్ కాలనీలో పునర్నిర్మాణం చేసిన కమిటీ హాల్ ను ప్రభుత్వ విప్ అరెకపూడిపూడి గాంధీ , శేరిలింగంపల్లి డివిజన్ కార్పొరేటర్ రాగం నాగేందర్ యాదవ్ ప్రారంభించారు. అనంతరం కమిటీ సభ్యులు వారిని పూలబొకే ఇచ్చి శాలువాతో ఘనంగా సత్కరించారు. ఈ సందర్బంగా వారు మాట్లాడుతూ కమిటీ హాల్ ను కాలనీ సంబంధిత సమావేశాలు, అధికారిక సమావేశాలు, సమీక్ష సమావేశాలు నిర్వహించుకోడానికి సద్వినియోగం చేసుకోవాలని తెలిపారు. శేరిలింగంపల్లి డివిజన్ అభివృద్దే ధ్యేయంగా పనిచేస్తానని, దీనికి డివిజన్ ప్రజలు సహాయ సహకారాలు అందించాలని అన్నారు. ఈ కార్యక్రమంలో దళిత రత్న అసోసియేషన్ ప్రెసిడెంట్ నరసింహ రావు, యూత్ ప్రెసిడెంట్ సూర్య ప్రకాష్, వైస్ ప్రెసిడెంట్ శివ శంకర్, వైస్ ప్రెసిడెంట్ ప్రసాద్, సెక్రటరీ సత్యనారాయణ, ట్రెజరర్ కేఎన్పి రావు, ప్రకాష్, నాగార్జున, ప్రభాకర్, గోపాల్ యాదవ్ కాలనీవాసులు పాల్గొన్నారు.
