- అధికారులకు ప్రభుత్వ విప్ గాంధీ ఆదేశం
నమస్తే శేరిలింగంపల్లి: గచ్చిబౌలి డివిజన్ పరిధి రాయదుర్గం ముస్లిం బస్తీలో రూ. 25 లక్షల అంచనావ్యయంతో చేపడుతున్న సీసీ రోడ్డు నిర్మాణ పనులను జిహెచ్ఎంసీ ఇంజినీరింగ్ విభాగం అధికారులు, మాజీ కార్పొరేటర్ సాయిబాబా తో కలిసి ప్రభుత్వ విప్ ఆరెకపూడి గాంధీ పరిశీలించారు. ఈ సందర్భంగా ప్రభుత్వ విప్ గాంధీ మాట్లాడుతూ రాయదుర్గం ముస్లిం బస్తీలో 25 లక్షల రూపాయల అంచనా వ్యయంతో చేపడుతున్న సీసీ రోడ్డును జిహెచ్ఎంసీ అధికారులతో కలిసి పరిశీలించి అధికారులకు పలు సూచనలు , సలహాలు ఇచ్చినట్లు తెలిపారు. తెలంగాణ ప్రభుత్వం సంక్షేమం, అభివృద్ధికి చిత్తశుద్ధితో పనిచేస్తుందని పేర్కొన్నారు. పనుల్లో జాప్యం లేకుండా త్వరిత గతిన పనులు పూర్తి చేసి ప్రజలకు అందుబాటులోకి తీసుకురావాలని ఈ సందర్బంగా అధికారులను ఆదేశించారు. ఈ కార్యక్రమంలో జిహెచ్ఎంసీ అధికారులు EE శ్రీనివాస్, DE విశాలాక్షి, వర్క్ ఇన్ స్పెక్టర్ శ్రీకాంత్, తెరాస నాయకులు దారుగుపల్లి నరేష్, రమేష్, జగదీష్, సల్లావుద్దీన్, అక్బర్ బాయ్, కాలనీవాసులు పాల్గొన్నారు.
