నమస్తే శేరిలింగంపల్లి: స్వాతంత్ర సంగ్రామంలో అల్లూరి సీతారామరాజు ఒక మహోజ్వల శక్తి అని ఎమ్మెల్యే ఆరెకపూడి గాంధీ అన్నారు. . ఆ మహనీయుడి 127వ జయంతిని పురస్కరించుకుని మియాపూర్ డివిజన్ పరిధిలోని జె. పి.ఎన్ నగర్ లోని అల్లూరి సీతారామరాజు విగ్రహానికి కార్పొరేటర్ ఉప్పలపాటి శ్రీకాంత్ తో కలిసి పూలమాల వేసి ఘన నివాళులర్పించారు.
ఈ సందర్భంగా ఎమ్మెల్యే ఆరెకపూడి గాంధీ మాట్లాడుతూ భారత దేశ స్వతంత్ర సంగ్రామంలో బ్రిటిష్ పాలనకు వ్యతిరేకంగా వీరోచిత పోరాటం చేసిన మహనీయుడు అల్లూరి సీతారామరాజు అని , మన్యం ప్రజలలో విప్లవ బీజాలు నాటి ప్రజలను చైతన్య పరిచి స్వతంత్ర సంగ్రామంలో పాల్గొనేలా చైతన్య పరిచిన మహానుభావుడు అల్లూరి అని కొనియాడారు.
బ్రిటిష‌ర్ల‌ను కంటిమీద కునుకు లేకుండా చేసి గ‌డ‌గ‌డ‌లాడించిన అల్లూరిని.. తుపాకుల‌తో కాల్చి చంపుతున్నా వందేమాత‌రం అనే నినాదించిన గొప్ప మ‌హానీయుడని, ఆయన జీవితం ఎంతో మందికి ఆదర్శప్రాయం అని , ఎంతో మందికి స్ఫూర్తిగా నిలిచిన గొప్ప వ్యక్తి అని, ఆయన అడుగు జాడలో యువత నడవాలని ఎమ్మెల్యే గాంధీ పేర్కొన్నారు.
ఈ కార్యక్రమంలో బీఆర్ఎస్ పార్టీ నాయకులు అన్వర్ షరీఫ్, పూర్ణచందర్ రావు, చంద్రిక ప్రసాద్, ఉమ, జంగం మల్లేష్, నర్సింలు గౌడ్, గంగాధర్, రమాదేవి రంగరాజు, సుధాకర్ రెడ్డి, శ్రీనివాసరావు, దుర్గరాజు, కృష్ణంరాజు, కాట్రగడ్డ సత్యనారాయణ, వర్మ, శివ, బలరామకృష్ణ, రవి, సత్యనారాయణ రాజు, పవన్, సూరి, నాగరాజు క్షత్రియ యూత్ అసోసియేషన్ సభ్యులు పాల్గొన్నారు
