హ‌ఫీజ్‌పేట (న‌మ‌స్తే శేరిలింగంపల్లి): బీజేపీ రాష్ట్ర కార్యవర్గ సభ్యుడు జ్ఞానేంద్ర ప్రసాద్, బీజేపీ నాయకులు మహేష్ యాదవ్, రవి ముదిరాజ్ లు బుధ‌వారం వాసవి బిల్డర్స్ య‌జ‌మానుల‌ను క‌లిశారు. శేరిలింగంపల్లి నియోజకవర్గం పరిధిలోని హఫీజ్ పేట్ డివిజన్ ప్రకాష్ నగర్ కు చెందిన కట్ట మైసమ్మ దేవాలయం వాసవి బిల్డర్స్ నిర్లక్ష్యం కారణంగా కొన్ని రోజుల క్రితం కూలిపోయింది. కాగా దీనిపై స‌ద‌రు బిల్డర్స్ యాజ‌మాన్యం స్పందిస్తూ అదే రోజు ఆల‌యాన్ని నిర్మిస్తామ‌ని తెలిపింది. ఈ మేర‌కు గ్రామస్తులతో ఒప్పందం కూడా చేసుకుంది. కానీ ఇప్పటి వరకు ఆల‌య నిర్మాణ పనులను ప్రారంభించ‌లేదు. ఈ క్ర‌మంలోనే ఆల‌య నిర్మాణ పనులను ప్రారంభించాల‌ని బీజేపీ నాయకులు వాసవి బిల్డర్స్ యాజ‌మాన్యాన్ని అడిగారు. కాగా స‌ద‌రు బిల్డర్స్ వారు ఆల‌య నిర్మాణ పనులను గురువారం ప్రారంభిస్తామ‌ని తెలిపారు. ఈ కార్య‌క్ర‌మంలో గ్రామస్తులు నవీన్, ప్రవీణ్, భీమయ్య పాల్గొన్నారు.
