చందానగర్ (న‌మ‌స్తే శేరిలింగంప‌ల్లి): చ‌ందాన‌గ‌ర్‌లోని విశాఖ శ్రీ శార‌ద పీఠ‌పాలిత శ్రీ వెంక‌టేశ్వ‌రాల‌య స‌ముదాయంలో శ్రీవారి 25 వ వార్షిక బ్రహ్మోత్సవాలు శ‌నివారం ఘ‌నంగా ప్రారంభ‌మ‌య్యాయి. ఉత్స‌వాల్లో భాగంగా మొదటి రోజు స్వామి వారికి సుప్రభాత సేవ, అర్చన, బాలబోగం, నివేదన, విష్వక్షేన పూజ పుణ్యాహవాచనం, దీక్షాధారణ, ఆకల్మషహోమం త‌దిత‌ర పూజా కార్య‌క్ర‌మాలు నిర్వ‌హించారు. సాయంత్రం పుట్ట మన్ను తెచ్చుట, అంకురార్పణ, అగ్నిమధనం, అగ్నిప్రతిష్టాపన, ధ్వజారోహణం త‌దిత‌ర కార్య‌క్ర‌మాలు నిర్వ‌హించారు. ఈ సంద‌ర్భంగా వేదపండితులకు, ఆలయ అర్చకులకు బ్రహ్మోత్సవాల దాత కె.సత్యనారాయణ రాజు దీక్షావస్త్రములు సమర్పించారు. ఈ కార్య‌క్ర‌మంలో ప‌రిస‌ర ప్రాంతాల భ‌క్తులు పెద్ద సంఖ్య‌లో పాల్గొని కోవిడ్ నిబంధ‌న‌లు పాటిస్తూ ప్ర‌త్యేక పూజ‌లు నిర్వ‌హించారు.
Advertisement
