మియాపూర్‌ (న‌మ‌స్తే శేరిలింగంప‌ల్లి): మియాపూర్‌లోని దీప్తిశ్రీనగర్‌లో ఉన్న శ్రీ ధర్మపురి క్షేత్రంలో దేవీ శరన్నవరాత్రి ఉత్సవాలు ఘనంగా కొనసాగుతున్నాయి. ఆదివారం అమ్మవారిని శ్రీ బాలా త్రిపుర సుందరీ దేవి అవతారంలో అలంకరించారు. ఉదయం 5 గంటలకు మూలవిరాట్టు విజయదుర్గాదేవికి అభిషేకం, 9 గంటలకు శ్రీ చక్రార్చన, రుద్రాభిషేకం, కుంకుమ పూజ, నిత్య హోమం, లలితా సహస్రనామ పారాయణం, పల్లకీ సేవ, రాజోపచారములు నిర్వహించారు. ఈ సందర్భంగా స్థానికులు, పరిసర ప్రాంతాలకు చెందిన భక్తులు శ్రీ బాలా త్రిపుర సుందరీ దేవి అవతారంలో ఉన్న అమ్మవారిని దర్శించుకుని తీర్థ ప్రసాదాలను స్వీకరించారు.
Advertisement
