- బతుకమ్మ పాట బాగుందని కార్పొరేటర్ ప్రశంస
నమస్తే శేరిలింగంపల్లి: బతుకమ్మ పండుగకు సంబంధించి చిత్రీకరించిన బతుకమ్మ పాటను ముఖ్య అతిధిగా హాజరై కార్పొరేటర్ రాగం నాగేందర్ యాదవ్ యూట్యూబ్ లో విడుదల చేశారు. తెలంగాణ సంస్కృతి, సంప్రదాయానికి నిలువెత్తు రూపం బతుకమ్మ పండుగ అని, ఆ పండుగకు సంబంధించి చిత్రీకరించిన బతుకమ్మ పాటను తన నివాసంకి విచ్చేసిన సురభి కళాకారుల సమక్షంలో యూట్యూబ్ లో విడుదల చేయడం ఆనందంగా ఉందన్నారు. బతుకమ్మ పాట ఎంతో బాగుందని తెలిపారు. ఈ సందర్బంగా బతుకమ్మ పాటను చిత్రించిన యూనిట్ రచన-సంగీతం వి. సత్యశ్రీనాథ్, సింగర్ భాస్కర్, ఫిమేల్ సింగర్ వి.రేఖ, Dop శ్రీమహావిష్ణులకు శుభాకాంక్షలు తెలిపి అభినందించారు. రానున్న రోజుల్లో మరెన్నో పాటలను చిత్రీకరించి ఉన్నత స్థాయిలో నిలవాలని ఆకాంక్షిస్తున్నట్లు తెలిపారు. స్థానిక కళాకారులకు ఎల్లవేళలా సహాయ సహకారాలు అందజేస్తామని, ప్రోత్సహిస్తామని అన్నారు. ఈ కార్యక్రమంలో సురభి కాలనీ తెరాస బస్తీ అధ్యక్షులు వెంకట్ రెడ్డి, గోపాల్ యాదవ్, ఆర్. శ్రీనివాస్ పాల్గొన్నారు.
