నమస్తే శేరిలింగంపల్లి:చందానగర్ డివిజన్ పరిధిలోని పిజెఆర్ స్టేడియంలో బాక్సింగ్ క్రీడాకారులకు చందానగర్ డివిజన్ కార్పోరేటర్ మంజుల రఘునాథ్ రెడ్డి బుధవారం బాక్సింగ్ గ్లౌజులు అందజేశారు.ఈ సందర్భంగా కార్పొరేటర్ మంజుల రఘునాథ్ రెడ్డి మాట్లాడుతూ తల్లిదండ్రులు పిల్లలకు చిన్నప్పటి నుంచి క్రీడల పట్ల ఆసక్తి కనబరిచేలా చూడాలన్నారు. విద్యతో పాటు క్రీడల్లోనూ రాణించాల్సిన అవసరం ఉందన్నారు. రాష్ట్ర ప్రభుత్వం క్రీడాకారులను ప్రోత్సహిస్తూ క్రీడల కోసం ప్రభుత్వం కోట్ల రుపాయలు వెచ్చించి క్రీడా ప్రాంగణాలను నిర్మిస్తుందన్నారు. ప్రభుత్వ పాఠశాలల్లో పేద విద్యార్థులకు క్రీడల్లో శిక్షణ ఇవ్వడం జరుగుతుందన్నారు. ఈ కార్యక్రమంలో చందానగర్ డివిజన్ టిఆర్ఎస్ పార్టీ అధ్యక్షుడు రఘునాథరెడ్డి, గిరిబాబు, వీరానంద్, పిజెఆర్ స్టేడియం కోచ్ లు, సిబ్బంది తదితరులు పాల్గొన్నారు.
Advertisement
