-శంకర్ గౌడ్ 6వ వర్ధంతి సందర్భంగా ప్రజాప్రతినిధులు, నాయకులు, కార్యకర్తలు, అభిమానుల ఘన నివాళి
చందానగర్ (నమస్తే శేరిలింగంపల్లి): తెలంగాణ మలిదశ ఉద్యమంలో శేరిలింగంపల్లి నియోజకవర్గంలో కీలక పాత్ర పోషించిన టీఆర్ఎస్ పార్టీ దివంగత ఇన్చార్జ్, బీసీసెల్ రాష్ట్ర అధ్యక్షులు కొండకల్ శంకర్ గౌడ్ 6వ వర్ధంతి సందర్భంగా ప్రభుత్వ విప్ ఆరెకపూడి గాంధీ ఘన నివాళులర్పించారు. చందానగర్ లోని గాంధీ విగ్రహం వద్ద ఆ పార్టీ నాయకులు గుర్ల తిరుమలేష్, మిద్దెల మల్లారెడ్డిల ఆద్వర్యంలో బుదవారం కొండకల్ శంకర్ గౌడ్ సంస్మరణ కార్యక్రమం నిర్వహించారు. ఈ సందర్భంగా గాంధీతో పాటు రాష్ట్ర సాంఘిక సంక్షేమ బోర్డు చైర్ పర్సన్ రాగం సుజాత యాదవ్, స్థానిక కార్పొరేటర్లు బొబ్బ నవత రెడ్డి, జగదీశ్వర్ గౌడ్, రాగం నాగేందర్ యాదవ్, కొమిరిశెట్టి, సాయిబాబా, హమీద్ పటేల్ లు శంకర్ గౌడ్ చిత్ర పటానికి ఘనంగా నివాళులర్పించారు. ఈ సందర్భంగా ప్రభుత్వ విప్ శ్రీ ఆరేకపూడి గాంధీ మాట్లాడుతూ ప్రత్యేక తెలంగాణ రాష్ట్ర సాధన ఉద్యమంలో శేరిలింగంపల్లి నియోజకవర్గంలో కీలక పాత్ర పోషించిన కీ.శే.కొండకల్ శంకర్ గౌడ్ మనమధ్య లేకపోవడం చాల బాధాకరమని అన్నారు. శంకర్ గౌడ్ నికార్సయిన ఉద్యమకారుడని, తెలంగాణ రాష్ట్ర సాధన కోసం అలుపెరుగని పోరాటం చేసాడని అన్నారు. నియోజకవర్గంలో తెరాస పార్టీ బలోపేతానికి విశేష కృషి చేశారని, చివరి శ్వాస వరకు పార్టీ కోసం కష్టపడ్డా నాయకుడని కొనియాడారు. టీఆర్ఎస్ పార్టీ అధికారంలో ఉన్న నేటి తరుణంలో శంకర్ గౌడ్ మన మద్యలో లేకపోవడం బాదాకరమని అన్నారు. ఐనా ఆయన ఆశయాలను కొనసాగిస్తామని, వారి కుటుంబ సభ్యులకు అండగా ఉంటామని పేర్కొన్నారు.
ఈ కార్యక్రమంలో మాజీ కార్పొరేటర్ అశోక్ గౌడ్, టీఆర్ఎస్ డివిజన్ అధ్యక్షులు రఘునాథ్ రెడ్డి, మియాపూర్ డివిజన్ అధ్యక్షులు ఉప్పలపాటి శ్రీకాంత్, శేరిలింగంపల్లి డివిజన్ అద్యక్షులు మారబోయిన రాజు యాదవ్ హోప్, హఫీజ్ పేట్ డివిజన్ అధ్యక్షుడు బాలింగ్ గౌతం గౌడ్, కొండాపూర్ అధ్యక్షులు కృష్ణ గౌడ్, సీనియర్ పాత్రికేయులు శేఖర్ సాగర్ , కొండా విజయ్ కుమార్, పుట్ట వినయకుమార్ గౌడ్, తెరాస నాయకులు పురుషోత్తం యాదవ్, వాలా హరీష్ రావు, చాంద్ పాషా, ఆశిల శివ, జంగం గౌడ్, దాసరి గోపి, కొండల్ రెడ్డి, దొంతి శేఖర్, కంది జ్ఞానేశ్వర్ , రమేష్ , శివ, రాజు, నర్సింగ్ ,ఉమా ప్రభాకర్, విజయ లక్ష్మి, లోకేష్, చంద్రమౌళి, సలీం తదితరులు పాల్గొన్నారు.
