నమస్తే శేరిలింగంపల్లి: శిల్పారామం మాదాపూర్ లో స్టేట్ హ్యాండ్లూమ్ ఎక్స్పో బతుకమ్మ, దసరా ఉత్సవాలు ఎంతో సందడి సందడి సాగుతున్నాయి. చేనేత చీరలకి మంచి స్పందన వస్తుంది. శిల్పారామం మహిళా సిబ్బంది, సందర్శకులు బతుకమ్మ ఆటపాటలతో సందడి చేస్తున్నారు. సోమవారం నుండి దాండియా ఆటను ఏర్పాటు చేశారు. గుజరాతి స్టాల్ల్స్ నుంచి వచ్చిన సందర్శకులు పాల్గొన్నారు. ఇందులో భాగంగా నిర్వహించిన సాంస్కృతిక కార్యక్రమాలలో కందుల కూచిపూడి నాట్యాలయం గురువు జి. రవి శిష్య బృందం చే “దేవి వైభవం” కూచిపూడి నృత్య రూపకాన్ని ప్రదర్శించారు. పార్వతి, లక్ష్మి సరస్వతి అమ్మవార్లు కలిసి ఆదిశక్తి అమ్మవారి జననం నుండి మహిషాసుర మర్దిని సంహరించే కథను నృత్య రూపకంగా ప్రదర్శించారు. దాదాపుగా ౬౦ మంది కళాకారులు పాల్గొన్నారు.
Advertisement
