నమస్తే శేరిలింగంపల్లి: మాదాపూర్ డివిజన్ పరిధిలోనీ ప్రతిఒక్క బస్తి/కాలనీలలో డ్రైనేజీ వ్యవస్థను శుభ్ర పరచడం, మురికి నీటి గుంతలను తొలిగించి పరిసర ప్రాంతాలను పరిశుభ్రంగా చేయటమే లక్ష్యంగా, ప్రతి సమస్య పరిష్కారానికి కృషి చేస్తామని మాదాపూర్ డివిజన్ కార్పొరేటర్ జగదీశ్వర్ గౌడ్ తెలిపారు.
మాదాపూర్ డివిజన్ పరిధిలోని శిల్ప పార్క్ నందు కాలనీ నాయకులతో కలిసి పర్యటించారు. అనంతరం మాట్లాడుతూ.. మాదాపూర్ డివిజన్ పరిధిలోని అన్ని కాలనీ/బస్తీలను ఆదర్శవంతమైన సుందరంగా తీర్చిదిదేలా, అందరి సమిష్టి కృషితో అభివృద్ధి పనులను చేయించడం జరుగుతుందని, మౌలిక వసతుల సమస్యల పరిష్కారానికి కృషి చేస్తామని తెలిపారు. ఈ కార్యక్రమంలో కాలనీ అధ్యక్షులు నవీన్, గుప్త, శ్రీనివాస్, సాయి, చంద్రశేఖర్, ప్రసాద్ పాల్గొన్నారు.
Advertisement
