- జగదీశ్వర్ గౌడ్ జన్మదినం సందర్భంగా.. ఓ నిరుపేద కుటుంబానికి ఇల్లు
- సొంత ఖర్చుతో నిర్మించి ఇచ్చిన శ్రీ కృష్ణ యూత్ అధ్యక్షుడు అభిషేక్ గౌడ్
- అభినందించిన జగదీశ్వర్ గౌడ్
నమస్తే శేరిలింగంపల్లి : నవ సమాజ నిర్మాణానికి కీలక పాత్ర యువతదేనని శేరిలింగంపల్లి నియోజకవర్గ కాంగ్రెస్ పార్టీ ఇంచార్జి, శ్రీ కృష్ణ యూత్ వ్యవస్థాపకుడు వి.జగదీశ్వర్ గౌడ్ అన్నారు. యువత మంచి మార్గాన్ని ఎంచుకుని సమాజ నిర్మాణానికి/సేవలో మొదటి పెట్టుగా నిలవాలన్నదే శ్రీ కృష్ణ యూత్ ఆశయమన్నారు.
జగదీశ్వర్ గౌడ్ పుట్టిన రోజును పురస్కరించుకుని శేరిలింగంపల్లి డివిజన్ పరిధిలోని గచ్చిబౌలి రోడ్డు నంబర్ వన్ ఎన్నో ఏళ్ళుగా పూరి గుడిసెలో నివాసమయంటున్న నిరుపేద కుటుంబానికి శ్రీ కృష్ణ యూత్ అధ్యక్షుడు అభిషేక్ గౌడ్ ముందుకు వచ్చి తన సొంత ఖర్చు (రూ. 3లక్షల)తో రెండు గదుల రేకుల ఇల్లుని నిర్మించి వారికి అందించారు.
ఈ సందర్భంగా వారు మాట్లాడుతూ.. సమాజంలో ప్రత్యేక గుర్తింపు యువతకు మాత్రమే ఉంటుందని, శ్రీ కృష్ణ యూత్ 1998సం నుంచి సమాజ నిర్మాణానికి, ప్రజలకు మేలు చేసే విధంగా శ్రీ కృష్ణ యూత్ ద్వారా ఎన్నో కార్యక్రమాలు చేపట్టడం జరిగిందని ఈ సందర్భంగా జగదీశ్వర్ గౌడ్ తెలిపారు. ఇంతటి గొప్ప కార్యక్రమానికి తన భుజాలపై వేసుకొని ఒక నిరుపేద కుటుంబానికి ఇల్లు కట్టించి వారి జీవితంలో ఒక కలను సాకారం కావడానికి తోడ్పడిన శ్రీ కృష్ణ అధ్యక్షులు, సభ్యులను ధన్యవాదాలు తెలిపారు.
ఈ కార్యక్రమంలో జి.రాజు, కె.కుమార్, కె.భిక్షపతి, జి.యాదగిరి, మొహమ్ముద్, అబ్దుల్ సత్తార్, ఫరీద్, సయ్యద్ పాషా, రాఘవ చారి, లడ్డు, రాములు, అనిల్, టి.జయరాం, గణేష్, మహేష్, హరీష్, శ్రవణ్ చారి పాల్గొన్నారు..
