నమస్తే శేరిలింగంపల్లి: బోనాల పండుగను పురస్కరించుకొని శేరిలింగంపల్లి లోని తారా నగర్ రేణుక ఎల్లమ్మ అమ్మవారి ఆలయంలో బోనాల ఉత్సవాలు మంగళవారం ఘనంగా జరిగాయి. ఈ సందర్భంగా నిర్వాహకులు మాట్లాడుతూ ప్రతి సంవత్సరం నిర్వహించే మాదిరిగానే ఈ ఏడాది బోనాల ఉత్సవాలను ఘనంగా జరుపుకోవడం ఎంతో సంతోషంగా ఉందన్నారు. అమ్మవారి ఆశీస్సులతో సకాలంలో వర్షాలు కురవాలని, ప్రతి ఒక్కరు బాగుండాలని కోరారు. బోనాల పండుగను పురస్కరించుకొని శేరిలింగంపల్లి కార్పొరేటర్ రాగం నాగేందర్ యాదవ్, మాదాపూర్ కార్పొరేటర్ జగదీశ్వర్ గౌడ్ తో పాటు దుర్గం వీరేశం గౌడ్, డి. లక్ష్మీనారాయణ గౌడ్, నారాయణ, బి. రాజు, కమిటీ చైర్మన్ సి హెచ్ లక్ష్మణ్ గౌడ్, వైస్ చైర్మన్ కె. రామ్ చందర్, బి. పాండు, భీమని శీను, టి. ఆనంద్ గౌడ్, యాదగిరి గౌడ్, జనార్దన్ గౌడ్, వెంకటేష్, రవి గౌడ్, గోవింద్, సుభాష్, డి శ్రీనివాస్ గౌడ్, కిరణ్, ఆంజనేయులు గౌడ్, సంగమేశ్వర్, అజయ్, విజయ్ రేణుక ఎల్లమ్మ అమ్మవారిని దర్శించుకున్నారు. అనంతరం ఆలయ కమిటీ ఆధ్వర్యంలో పలువురిని ఘనంగా సన్మానించారు. కార్యక్రమంలో భాగంగా తారా నగర్ వీధిలో ఫలహార బండిని పెద్ద ఎత్తున ఊరేగింపు చేశారు ఈ కార్యక్రమంలో భక్తులు పెద్ద ఎత్తున పాల్గొన్నారు.
