నమస్తే శేరిలింగంపల్లి: నవ సమాజ నిర్మాణానికి కీలక పాత్ర యువతే అని, సమాజంలో ప్రత్యేక గుర్తింపు యువతకు మాత్రమే ఉంటుందని మాదాపూర్ డివిజన్ కార్పొరేటర్ వి.జగదీశ్వర్ గౌడ్ అన్నారు. నల్లగండ్ల గ్రామంలోని శ్రీ కృష్ణ యూత్ కార్యాలయంలో శ్రీ కృష్ణ గౌడ్ 50వ జయంతిని పురస్కరించుకుని గ్రామ సభ్యులు, యువకులతో కలిసి ఆయన చిత్రపటానికి కార్పొరేటర్ జగదీశ్వర్ గౌడ్ పూలమాలలు వేసి నివాళులర్పించారు. ఈ సందర్భంగా సమాజ నిర్మాణానికి, ప్రజలకు సేవా కార్యక్రమాలు చేసేందుకు 1998 సంవత్సరంలో శ్రీ కృష్ణ యూత్ అసోసియేషన్ ను ఏర్పాటు చేయడం జరిగిందన్నారు. శ్రీ కృష్ణ యూత్ కార్యాలయాన్ని ఏర్పాటు చేసి పలు సామాజిక సేవా కార్యక్రమాలు చేపట్టడం జరిగిందన్నారు. ఈ కార్యక్రమంలో అడ్వైజరీ భాగ్యరావు, బాలకృష్ణ, అంబేద్కర్ యూత్ ప్రెసిడెంట్ రాజేందర్, శ్రీ కృష్ణ యూత్ ప్రెసిడెంట్ జయ సాయి, మల్లేష్, బాలరాజు, ప్రభాకర్, జోసెఫ్, రవి, చిన్న, అగస్టీన్, ప్రవీణకుమార్, సుధాకర్, భాస్కర్, సాయి, మనోజ్, సతీష్, విలాస్, నవీన్ యాదవ్, ఆదిత్య, శివానంద్ రెడ్డి, అభిలాష, సాయి కుమార్, శ్రీకాంత్ యాదవ్ తదితరులు పాల్గొన్నారు.
