- రఘునందన్ రావును కలిసిన సందర్భంగా బిజెపి నాయకులు ధర్మారావు, ఏకాంత్ గౌడ్ ల ధీమా
వివేకానందనగర్ (నమస్తే శేరిలింగంపల్లి): దుబ్బాక ఉప ఎన్నికల్లో అనూహ్య విజయం సాధించిన నూతన శాసనసభ్యులు ఎం.రఘునందన్ రావుకు శేరిలింగంపల్లి నియోజకవర్గం వివేకానంద నగర్ డివిజన్ బిజెపి నాయకులు చౌదరి ధర్మారావు, ఉప్పల ఏకాంత్ గౌడ్ లు శుభాకాంక్షలు తెలిపారు. గచ్చిబౌలిలోని ఆయన నివాసంలో గురువారం రఘునందన్ రావును మర్యాదపూర్వకంగా కలిసిన నేతలు పుష్పగుచ్ఛం అందజేసి అభినందనలు తెలిపారు. ఉత్కంఠ భరితంగా కొనసాగిన ఫలితాల్లో చివరకు రఘునందన్ రావు గెలిచిన తీరు పార్టీ శ్రేణుల్లో ఎంతో ఉత్సాహాన్ని, ఆత్మ విశ్వాసాన్ని పెంపొందించిందని చౌదరి ధర్మారావు, ఉప్పల ఏకాంత్ గౌడ్ లు పేర్కొన్నారు.
దుబ్బాకలో ఉపఎన్నిక అనివార్యం అని తేలిన నాటి నుండి పోలింగ్ తేదీ వరకు అధికార పార్టీ ఎన్ని ఆటంకాలు సృష్టించినా వాటిని ఎదుర్కొని రఘునందన్ రావు చేసిన పోరాటం తమలాంటి యువతకు ఎంతో ప్రేరణ కలిగించిందని అన్నారు. రానున్న గ్రేటర్ ఎన్నికల్లో బీజేపీ అభ్యర్థులు రఘునందన్ రావును స్ఫూర్తిగా తీసుకొని ప్రతి డివిజన్ లో బీజేపీ జెండా ఎగుర వేస్తారని ఆశాభావం వ్యక్తం చేశారు. ఈ కార్యక్రమంలో వీరరాజుగౌడ్, మహేష్ గౌడ్, అశోక్, సాయి కిరణ్, రణధీర్ రెడ్డి, పుపేందర్, భాస్కర్, తదితరులు పాల్గొన్నారు.
