న‌మ‌స్తే శేరిలింగంప‌ల్లి: చందాన‌‌గ‌ర్‌లోని విశాఖ శ్రీ శారదా పీఠపాలిత శ్రీ వేంకటేశ్వర స్వామి దేవాలయ సముదాయంలో శ్రీరామ న‌వ‌మి ఉత్స‌వాలు బుద‌వారం ఘ‌నంగా జ‌రిగాయి. ఆలయ ప్ర‌ధానార్చ‌కులు, పీఠం రాష్ట్ర ఆగ‌మ స‌ల‌హాదారు సుద‌ర్శ‌నం స‌త్య‌సాయి బృందం ప‌ర్య‌వేక్ష‌ణ‌లో విశ్వ‌క్సేన పూజా, క‌ళారాధ‌న, విశేష పుష్పాలంక‌ర‌ణ‌ల‌తో పాటు శ్రీ సీతారామచంద్ర మూర్తుల క‌ల్యాణం క‌న్నుల పండువ‌గా జ‌రిగింది. ప‌ట్టువ‌స్త్రాలు, ముత్యాల త‌లంబ్రాలు, పుష్ప‌మాలిక‌లు, స‌మ‌ర్పించిన దాత‌లు తోట సుబ్బారాయుడు, కైలా దేవెంద‌ర్ రెడ్డి, భార్గ‌వి దంప‌తులు క‌ల్యాణం నిర్వ‌హించారు. ఈ కార్య‌క్ర‌మంలో ఆలయ పాల‌క మండ‌లి స‌భ్యులు, ప‌రిస‌ర ప్రాంతాల‌కు చెందిన భ‌క్తులు కోవిడ్ నిబంధ‌న‌లు పాటిస్తూ శ్రీ సీతారాముల క‌ల్యాణాన్ని తిల‌కించి తీర్థ ప్ర‌సాదాలు స్వీక‌రించారు.
Advertisement
