న‌మ‌స్తే శేరిలింగంప‌ల్లి: హ‌ఫీజ్‌పేట్‌లోని ప‌ట్ట‌ణ ప్రాథ‌మిక ఆరోగ్య కేంద్రం సిబ్బందికి బిఎల్‌వై చారిటబుల్ ట్ర‌స్ట్ చేయూత‌నందించింది. ట్రస్టు కార్య‌దర్శి, హ‌ఫీజ్‌పేట్ డివిజ‌న్ బిజెపి ఇన్చార్జీ బోయిని అనూష మ‌హేష్ యాదవ్ హాస్పిట‌ల్ సిబ్బందికి ఎన్‌-95 మాస్కులు, హ్యాండ్ గ్లౌజ్‌లు, శానిటైజ‌ర్ అంద‌జేశారు. ఈ సంద‌ర్భంగా ఆరోగ్య‌కేంద్రం వైద్యాధికారి డాక్ట‌ర్ విన‌య్‌బాబు మాట్లాడుతూ క‌రోనా ఉదృతి కొన‌సాగుతున్న నేటి ప‌రిస్థితుల్లో వైద్య సిబ్బంది అహ‌ర్నిశ‌లు శ్ర‌మిస్తుంద‌ని, ఈ క్ర‌మంలో ప్ర‌భుత్వ స‌హ‌కారంతో పాటు స్వ‌చ్ఛంద సంస్థ‌లు, స్థానికుల చేయూత, తోడ్పాటు ఎంతో అవ‌స‌రం అని అన్నారు. త‌మ సిబ్బంది ర‌క్ష‌ణ కోసం స‌హ‌క‌రించిన బీఎల్‌వై చారిటబుల్ ట్ర‌స్ట్ ప్ర‌తినిధుల‌కు ఆయ‌న ప్ర‌త్యేకంగా కృత‌జ్ఞ‌త‌లు తెలిపారు. ఈ కార్యక్రమంలో బిజెపి బీసీ మోర్చ రాష్ట్ర కార్య‌వ‌ర్గ స‌భ్యులు బోయిని మ‌హేష్ యాదవ్, మెడికల్ ఆఫీసర్ రవీందర్, ట్రస్టు ప్ర‌తినిధులు బోయిని మల్లేష్ యాదవ్, మంజుల, భవాని, కవిత ,నాగేందర్ తదితరులు పాల్గొన్నారు.
