న‌మ‌స్తే శేరిలింగంప‌ల్లి: హఫీజ్పేట్ డివిజ‌న్ ప‌రిధిలోని ప‌లు స‌మ‌స్య‌ల‌ను ప‌రిష్క‌రించాలని కోరుతూ బిజెపి బీసీ మోర్చ రాష్ట్ర కార్య‌వ‌ర్గ స‌భ్యులు మ‌హేష్ యాదవ్ చందాన‌గ‌ర్ స‌ర్కిల్ ఉప‌క‌మిష‌న‌ర్ సుధాంష్ నంద‌గిరికి విన‌తి ప‌త్రం అంద‌జేశారు. ప్ర‌ధానంగా హఫీజ్పేట్ గ్రామం, యూత్‌కాల‌నీల‌లో రోడ్లు, శాంతీన‌గ‌ర్‌లోని నాలుగు వీధుల‌లో డ్రైనేజీ పైప్‌లైన్ ప‌నులు పెండిగ్‌లో ఉన్నాయ‌ని, వాటిని వెంట‌నే పూర్తిచేయాల‌ని కోరారు. హఫీజ్పేట్ అర్భ‌న్ ప్రైమ‌రీ హెల్త్ సెంట‌ర్‌లో ప్ర‌తీరోజు శానిటైజేష‌న్ కోసం ఇద్ద‌రు సిబ్బందిని ప్ర‌త్యేకంగా ఏర్పాటు చేయాల‌ని కోరారు. ఐతే డీసీ సుధాంశు త‌మ విజ్ఞాప‌న ప‌ట్ల సానుకూలంగా స్పందించార‌ని, ప్ర‌ధాన్య‌తా క్ర‌మంలో స‌మ‌స్య‌ల‌న్నింటిని ప‌రిష్క‌రిస్తామ‌ని హామీ ఇచ్చిన‌ట్టు తెలిపారు. విన‌తి ప‌త్రం స‌మ‌ర్పించిన వారిలో నాయ‌కులు ప‌వ‌న్‌, సాయిగౌడ్‌, నాగేంద‌ర్ త‌దిత‌రులు ఉన్నారు.
