న‌మ‌స్తే శేరిలింగంప‌ల్లి: గంజాయి విక్ర‌యిస్తున్న ఇద్ద‌రు యువ‌కుల‌ను మియాపూర్ పోల‌సులు అరెస్ట్ చేసి రిమాండ్‌కు త‌ర‌లించారు. ఇన్‌స్పెక్ట‌ర్ సామ‌ల వెంక‌టేశ్ తెలిపిన వివ‌రాల ప్ర‌కారం… ఫిలింన‌గ‌ర్ వినాయ‌క న‌గ‌ర్‌లో నివాసం ఉంటూన్న ప‌సుపులేటి శ్రీకాంత్‌(28), జీడిమెట్ల చంద్ర‌గిరి కాల‌నీలో నివాసం ఉంటున్న్ చిపిరి ఎల్లేష్(28)లు డ్రైవ‌ర్‌గా విధులు నిర్వ‌హిస్తూనే మ‌రోవైపు గంజాయి విక్ర‌యిస్తుంటారు. ఈ క్ర‌మంలోనే గురువారం మియాపూర్ నుంచి బొల్లారం వెళ్లే రోడ్డులో ప్ర‌జ‌య్‌షెల్ట‌ర్ క‌మాన్ వ‌ద్ద గంజాయి విక్ర‌యిస్తుండ‌గా స‌మాచారం అందుకున్న పోలీసులు రంగంలోకి దిగి వారిరువురిని అదుపులోకి తీసుకున్నారు. వారి వ‌ద్ద నుంచి 58 కిలోల గంజాయిని స్వాదీనం చేసుకున్నారు. దీంతో శ్రీకాంత్‌, ఎల్లేష్‌ల‌పై ఎన్‌డీపీఎస్ యాక్ట్‌లోని 20(b)(ii)(C) సెక్ష‌న్‌ల కింద కేసు న‌మోదు చేసి రిమాండ్‌కు త‌ర‌లించారు.
