న‌మ‌స్తే శేరిలింగంప‌ల్లి: గచ్చిబౌలి డివిజన్ పరిధిలోని గోపన్పల్లి తాండాలో ఆదివారం ప్ర‌త్యేకంగా చేప‌ట్టిన డీఆర్ఎఫ్ శానిటైజేషన్ స్పెష‌ల్ డ్రైవ్‌లో స్థానిక కార్పొరేటర్ వి.గంగాధ‌ర్ రెడ్డి పాల్గొని సిబ్బంది ప‌నితీరును ప‌రిశీలించారు. తండా ప‌రిస‌రాల్లో స్వయంగా సోడియం హైపోక్లోరైడ్ ద్రావ‌ణాన్ని పిచికారీ చేశారు. గోపన్పల్లి, ఎన్టీఆర్ నగర్ త‌దిత‌ర ప్రాంతాల్లోజ‌న‌సంచారం ఎక్కువగా ఉన్న ప్రదేశాల్లో ట్యాంకర్ల సహాయంతో క్రిమిసంహారక మందుల‌ను స్ప్రే చేయించారు. దీనితో పాటు కోవిడ్ నియంత్రణకు అవసరమైన జాగ్రత్తలు తీసుకునేలా ప్రజలకు అవగాహన క‌ల్పించారు. ప్రజలందరూ ఎల్లవేళలా మాస్కు ధరించాలని, భౌతిక దూరం, వ్య‌క్తిగ‌త, ప‌రిస‌రాల ప‌రిశుభ్ర‌త‌ను విధిగా పాటించాల‌ని గంగాధ‌ర్‌రెడ్డి సూచించారు.
Advertisement
