నమస్తే శేరిలింగంపల్లి: రాష్ట్ర సాంఘిక సంక్షేమ బోర్డు చైర్పర్సన్ రాగం సుజాత నాగేందర్ యాదవ్ పుట్టిన రోజును పురస్కరించుకుని రాన్స్, నీడ్స్ స్వచ్ఛంద సంస్థ ఆధ్వర్యంలో శేరిలింగంపల్లి డివిజన్ పరిధిలోని రాజీవ్ గృహకల్ప ఫంక్షన్ హాల్ లో రక్తదాన శిబిరాన్ని నిర్వహించారు. స్థానిక కార్పొరేటర్ రాగం నాగేందర్ యాదవ్ రక్తదాన శిబిరాన్ని ప్రారంభించారు. రక్తదానం చేయడం ద్వారా ఇతరుల ప్రాణాలను కాపాడినవారవుతారని రాగం నాగేందర్ యాదవ్ అన్నారు. రాగం సుజాత యాదవ్ మాట్లాడుతూ తన పుట్టిన రోజున స్వచ్ఛందంగా ముందుకువచ్చి రక్తదానం చేసిన వారికి ప్రత్యేక కృతజ్ఞతలు తెలిపారు. ర‌క్త దాత‌ల‌కు రాగం దంపతులు సర్టిఫికేట్లను అందజేశారు. ఈ కార్యక్రమంలో డివిజన్ గౌరవ అధ్యక్షుడు వీరేశంగౌడ్, రాన్స్ ఇన్ ఫ్రా మేనేజింగ్ డైరెక్టర్లు రాగం అనిరుధ్ యాదవ్, రాగం రాహుల్ యాదవ్, నీడ్స్ స్వచ్ఛంద సంస్థ కోఆర్డినేటర్ షర్మిల, రాగం అభిమానులు, కార్యకర్తలు, పాల్గొన్నారు.
