న‌మ‌స్తే శేరిలింగంప‌ల్లి: ఆయువ్ స్టూడెంట్ యూత్ ఫౌండేషన్, ఏఆర్ ఫౌండేషన్ ఆద్వ‌ర్యంలో నిరుపేద‌ల‌కు అల్పాహారం పంపిణీ చేశారు. చందాన‌గ‌ర్, మియాపూర్ ప్రాంతాల్లోని ప‌లు బ‌స్తీల్లో, రోడ్ల‌పై నిదురించే నిరుపేద‌ల‌కు త‌మ‌వంతుగా చిరుతిళ్లు, పండ్ల‌ర‌సా‌లు పంపిణీ చేశారు. ఈ సంద‌ర్భంగా ఫౌండేషన్ వ్య‌వ‌స్థాప‌కులు జి.రోహిత్ ముదిరాజ్ మాట్లాడుతూ ఆక‌లితో అల‌మ‌టిస్తున్న దాదాపు 300 మంది నిరుపేద చిన్నారుల‌కు, వృద్ధుల‌కు త‌మ‌వంతు భాద్య‌త‌గా కొంత‌మేర ఆక‌లి తీర్చే ప్ర‌యత్నం చేశామ‌ని అన్నారు. ఈ క్ర‌మంలో వారి క‌ళ్ల‌లో ఆనందం త‌మ‌కు ఎంతో సంతృప్తిని క‌లిగించింద‌ని, ఫౌండేషన్ ద్వారా ఇలాంటి సేవ‌ల‌ను విస్తృతం చేస్తామ‌ని అన్నారు. ఈ కార్య‌క్ర‌మంలో ఫౌండేషన్ ప్ర‌తినిధులు భాను ముదిరాజ్, స్వ‌రూప్‌, వ‌సంత్, మాలిక్‌, మ‌హేష్‌, గౌరి త‌దిత‌రులు పాల్గొన్నారు.
Advertisement
