నమస్తే శేరిలింగంపల్లి: ప్రజలకు అవసరమయ్యే మౌలిక వసతుల కల్పనకు ఎప్పటికప్పుడు కృషి చేస్తున్నామని మియాపూర్ డివిజన్ కార్పొరేటర్ ఉప్పలపాటి శ్రీకాంత్ అన్నారు. మియాపూర్ డివిజన్ పరిధిలోని బాలాజీ నగర్ కాలనీలో నూతనంగా నిర్మిస్తున్న యూజీడీ, సీసీ రోడ్డు పనులను జీహెచ్ఎంసీ అధికారులు, స్థానికులతో కలసి కార్పొరేటర్ ఉప్పలపాటి శ్రీకాంత్ పరిశీలించారు. ఈ సందర్భంగా ఆయన మాట్లాడుతూ డివిజన్ పరిధిలో మంజూరైన అభివృద్ధి పనులను త్వరగా పూర్తి చేసి ప్రజలకు అందుబాటులోకి తీసుకువచ్చేలా కృషి చేస్తామని తెలిపారు. ఈ కార్యక్రమంలో జీహెచ్ఎంసీ వర్క్ ఇన్‌స్పెక్టర్ జగదీష్, స్థానికులు తదితరులు పాల్గొన్నారు.
Advertisement
