శేరిలింగంప‌ల్లి, అక్టోబ‌ర్ 6 (న‌మస్తే శేరిలింగంప‌ల్లి): గుర్తు తెలియ‌ని వ్య‌క్తి మృత‌దేహం మియాపూర్ పోలీసుల‌కు ల‌భ్య‌మైంది. పోలీసులు తెలిపిన ప్ర‌కారం సంఘ‌ట‌న‌కు సంబంధించి వివ‌రాలు ఈ విధంగా ఉన్నాయి. మియాపూర్ ఎక్స్ రోడ్డు ప‌రిస‌ర ప్రాంతాల్లో ఒక వ్య‌క్తి మృత‌దేహం ఉంద‌న్న స‌మాచారం మేర‌కు సంఘ‌ట‌న స్థ‌లానికి చేరుకున్న పోలీసులు మృత‌దేహాన్ని పోస్టుమార్టం నిమిత్తం మార్చురీకి త‌ర‌లించారు. ఆ వ్య‌క్తి అక్క‌డే ప‌రిస‌ర ప్రాంతాల్లో భిక్షాట‌న చేస్తుంటాడ‌ని, అత‌ని వ‌య‌స్సు 35 నుంచి 40 ఏళ్ల మ‌ధ్య ఉంటుంద‌ని, బ‌హుశా అనారోగ్యం కార‌ణంగా మృతి చెంది ఉంటాడ‌ని పోలీసులు తెలిపారు. ఎవ‌రైనా గుర్తు పుట్ట‌ద‌లిస్తే 8712663179 అనే ఫోన్ నంబ‌ర్‌కు కాల్ చేయాల‌ని సూచించారు. ఈమేర‌కు పోలీసులు కేసు న‌మోదు చేసుకుని ద‌ర్యాప్తు చేప‌ట్టారు.
Advertisement
