శేరిలింగంప‌ల్లి, న‌వంబ‌ర్ 22 (న‌మ‌స్తే శేరిలింగంప‌ల్లి): గుర్తు తెలియని వాహనం ఢీకొన్న సంఘ‌ట‌న‌లో ఓ గుర్తు తెలియని వ్య‌క్తి మృతి చెందాడు. మియాపూర్ పోలీస్ స్టేష‌న్ ప‌రిధిలో చోటు చేసుకున్న ఈ సంఘ‌ట‌న‌కు సంబంధించి పోలీసులు తెలిపిన ప్ర‌కారం వివ‌రాలు ఈ విధంగా ఉన్నాయి. ఈ నెల 19వ తేదీన రాత్రి స‌మయంలో ఓ గుర్తు తెలియని వ్య‌క్తి చందాన‌గ‌ర్‌లోని జీఎస్ఎం మాల్ ఎదుట జాతీయ ర‌హ‌దారిపై రోడ్డు దాటుతుండ‌గా గుర్తు తెలియని వాహనం అత‌న్ని ఢీకొట్టింది. దీంతో తీవ్ర గాయాల పాలైన ఆ వ్య‌క్తిని చికిత్స నిమిత్తం గాంధీ హాస్పిట‌ల్‌కు త‌ర‌లించారు. ఆ వ్య‌క్తి చికిత్స పొందుతూ చ‌నిపోయాడు. దీంతో మియాపూర్ పోలీసులు కేసు న‌మోదు చేసి ద‌ర్యాప్తు చేప‌ట్టారు. ఎవ‌రైనా మృతున్ని గుర్తు ప‌ట్ట‌ద‌లిస్తే మియాపూర్ పోలీసుల‌ను 9490617129, 8712568233, 8712663179 అనే ఫోన్ నంబ‌ర్ల‌లో సంప్ర‌దించాల‌ని సూచించారు.
