సామాజిక సేవా కార్య‌క్ర‌మాలు చేయ‌డంలో ప్ర‌ముఖ బాలీవుడ్ న‌టుడు అక్ష‌య్ కుమార్ ఎల్ల‌ప్పుడూ ముందే ఉంటారు. ఎప్ప‌టిక‌ప్పుడు సైనికుల‌కు చేయూత‌ను అందిస్తూనే స‌మాజంలోని పేద‌ల‌కు త‌న వంతుగా స‌హాయం చేస్తుంటారు. ఈ క్ర‌మంలోనే ఆయ‌న తాజాగా ఓ వీడియో ద్వారా త‌న అభిమానుల‌కు సందేశం ఇచ్చారు.
అయోధ్య‌లో భ‌వ్య రామ మందిర నిర్మాణం కోసం త‌న అభిమానులు విరాళాలు అందించాల‌ని అక్ష‌య్ కుమార్ పిలుపునిచ్చారు. రామ మందిర నిర్మాణంలో అంద‌రూ పాలు పంచుకోవాల‌ని కోరారు. ఈ మేర‌కు ఆయ‌న ఓ వీడియోను పోస్ట్ చేశారు. భ‌క్తులతోపాటు త‌న అభిమానులు ఈ కార్య‌క్ర‌మంలో భాగ‌స్వాములు అవ్వాల‌ని పిలుపునిచ్చారు. కాగా అక్ష‌య్ పోస్ట్ చేసిన ఆ వీడియో సామాజిక మాధ్య‌మాల్లో ప్ర‌స్తుతం వైర‌ల్‌గా మారింది.
Advertisement
