- కార్పొరేటర్లతో కలిసి ప్రభుత్వ విప్ ఆరెకపూడి గాంధీ ఇంటింటి ప్రచారం
నమస్తే శేరిలింగంపల్లి: మునుగోడు ఉప ఎన్నిక ప్రచారంలో భాగంగా చండూరు మండలంలోని నెర్మట గ్రామంలో కార్పొరేటర్ ఉప్పలపాటి శ్రీకాంత్ , మాజీ కార్పొరేటర్ మాధవరం రంగరావు, చందానగర్ డివిజన్ అధ్యక్షులు రఘునాథ్ రెడ్డితో కలిసి ప్రభుత్వ విప్ ఆరెకపూడి గాంధీ ఇంటింటి ఎన్నికల ప్రచారం నిర్వహించారు. మునుగోడు ఉప ఎన్నికలో తెరాస అభ్యర్థి కూసుకుంట్ల ప్రభాకర్ రెడ్డికి మద్దతుగా విజయమే లక్ష్యంగా దూసుకెళ్తున్నారు. ఈ సందర్భంగా ప్రభుత్వ విప్ గాంధీ మాట్లాడుతూ సీఎం కేసీఆర్ నాయకత్వంలో రాష్ట్రంలోని పేదలకు అందుతున్న ప్రభుత్వ సంక్షేమ పథకాలే తెరాస పార్టీకి శ్రీరామ రక్ష అని పేర్కొన్నారు. ఈ ఎన్నికల్లో కూసుకుంట్ల ప్రభాకర్ రెడ్డి అత్యధిక భారీ మెజారిటీతో విజయం సాధించడం ఖాయమని, ఈ విజయాన్ని సీఎం కేసీఆర్ కు కానుకగా ఇస్తామన్నారు. ఈ కార్యక్రమంలో మాజీ కార్పొరేటర్ మాధవరం రంగరావు, చందానగర్ డివిజన్ అధ్యక్షులు రఘునాథ్ రెడ్డి, తెరాస నాయకులు కాశినాథ్ యాదవ్, అక్బర్ ఖాన్, అంజద్, గ్రామస్థులు పాల్గొన్నారు.
