మైనారిటి నేత జహీరుద్ధీన్ ఆద్వర్యంలో మాస్కులు, శానిటైజర్ల పంపిణీ
చందానగర్ (నమస్తే శేరిలింగంపల్లి): చందనగర్ డివిజన్ టీఆర్ఎస్ మైనారిటి నాయకులు జహీరుద్ధీన్ ఆధ్వర్యంలో చేవెళ్ల పార్లమెంట్ సభ్యులు డాక్టర్ గడ్డం రంజిత్ రెడ్డి జన్మదినం వేడుకలు ఘనంగా నిర్వహించారు. భవనిపురం గుట్టలో జరిగిన ఈ కార్యక్రమంలో స్థానిక కార్పొరేటర్ బొబ్బ నవత రెడ్డి ముఖ్యఅతిథిగా పాల్గొని బస్తీవాసులకు మాస్క్ లు సానిటర్లు పంపిణీ చేశారు. అనంతరం బస్తీలో మొక్క నాటి ఎంపీ రంజిత్ రెడ్డికి పుట్టినరోజు శుభాకాంక్షలు తెలిపారు. ఈ సందర్భంగా నవత రెడ్డి మాట్లాడుతూ జన్మదిన సమయంలో ఎంపీ అందుబాటులో లేకపోయినా వారి పేరిట సేవా కార్యక్రమాలు నిర్వహించడం పట్ల నిర్వాహకులు జహీరుద్దీన్ ను అభినందించారు. ఈ కార్యక్రమంలో టీఆర్ఎస్ సీనియర్ నాయకులు రామ్ కటకం, జెంషేడ్ రవి, ధనరాజ్, గౌస్ తదితరులు పాల్గొన్నారు.
Advertisement
