చందానగర్ (న‌మ‌స్తే శేరిలింగంప‌ల్లి): మంజీర మెట్రో ట్రాన్స్ మిషన్ ఫేజ్‌ 2 పైప్ లైన్ పనులను త్వరగా పూర్తి చేయాల‌ని కార్పొరేటర్ బొబ్బ నవతా రెడ్డి అధికారులకు సూచించారు. చందానగర్ డివిజన్ ప‌రిధిలోని దీప్తిశ్రీ నగర్ (మదీనాగూడ) వద్ద సోమ‌వారం అర్ధరాత్రి మంజీరా మెట్రో ట్రాన్స్‌మిషన్ ఫేజ్‌ 2 పైప్ లైన్ ఆకస్మికంగా పగిలిపోయింది. దీంతో మహాలక్ష్మి ఆర్కేడ్, స్పెన్సర్స్ తదితర అపార్ట్‌మెంట్‌ల‌లోకి నీళ్ళు వ‌చ్చాయి. ఈ క్ర‌మంలో స్థానికులు ఫిర్యాదు చేయ‌డంతో కార్పొరేటర్ బొబ్బ నవతా రెడ్డి ఆయా ప్రాంతాల్లో మంగ‌ళ‌వారం ప‌ర్య‌టించారు. అనంత‌రం కార్పొరేటర్ మాట్లాడుతూ రాత్రి 2.30 గంటలకు మంజీరా మెట్రో ట్రాన్స్‌మిషన్ ఫేజ్‌ 2 పైప్ లైన్ ఆకస్మికంగా పగిలిపోవటంతో మహాలక్ష్మి ఆర్కేడ్ తదితర అపార్ట్‌మెంట్ ల‌లో సెల్లార్ లలోకి నీరు వ‌చ్చింద‌ని అన్నారు. దీంతో ఆ నీటిని తొలగించాలని జీహెచ్ఎంసీ అధికారులకు సూచించిన‌ట్లు తెలిపారు. అలాగే మంజీరా మెట్రో ట్రాన్స్‌మిషన్ ఫేజ్‌ 2 పైప్ లైన్ పనులను పూర్తి చేసి అపార్ట్‌మెంట్ వాసులకు ఇబ్బంది లేకుండా చూడాలని అధికారులకు సూచించారు.
