శేరిలింగంపల్లి, సెప్టెంబ‌ర్ 15 (న‌మ‌స్తే శేరిలింగంపల్లి): గణపతి నవరాత్రుల సందర్భాన్ని పురస్కరించుకొని, కొండాపూర్ డివిజన్ పరిధిలోని ప్రేమ్ నగర్ బిబ్లాక్‌ కాంగ్రెస్ సీనియర్ నాయకురాలు ఎన్.రూపారెడ్డి, శ్రీనివాస్ రెడ్డి దంపతుల గణపతి పూజ కార్యక్రమానికి కొండాపూర్ డివిజన్ కార్పొరేటర్ హమీద్ పటేల్ హాజరై ప్రత్యేక పూజలు చేశారు. ఈ సందర్బంగా ప్రతి ఒక్కరికి గణపతి నవరాత్రుల శుభాకాంక్షలు తెలియజేశారు.
గణపతి నవరాత్రుల సందర్భాన్ని పురస్కరించుకొని కొండాపూర్ డివిజన్ పరిధిలోని ప్రేమ్ నగర్, మార్తాండ్ నగర్, రాజా రాజేశ్వరి నగర్ కాలనీ, పార్క్ అవెన్యూ, శ్రీరామ్ నగర్ కాలనీ, ఓల్డ్ పీజేఆర్ నగర్ కాలనీలలో ఏర్పాటు చేసిన వినాయక మండపాలకు కొండాపూర్ డివిజన్ కార్పొరేటర్ హమీద్ పటేల్ హాజరై ప్రత్యేక పూజలు నిర్వ‌హించారు.
ఈ సందర్బంగా ఆ గణనాధుని ఆశీస్సులు ప్రతి ఒక్కరికి కలగాలని, ప్రతి ఒక్కరూ సుఖసంతోషాలతో, ఆయురారోగ్యాలతో ఉండాలని కోరుకుంటున్నానని కార్పొరేటర్ హమీద్ పటేల్ తెలియజేశారు. అనంతరం భ‌క్తుల‌కు అన్న ప్ర‌సాదాన్ని వ‌డ్డించారు.
