శేరిలింగంప‌ల్లి, అక్టోబ‌ర్ 14 (న‌మ‌స్తే శేరిలింగంప‌ల్లి): ఇజ్జత్ నగర్‌లో జగత్ జనని టీమ్ ఆధ్వర్యంలో శ్రీ దుర్గామాత పూజా కార్యక్రమాన్ని ఘనంగా నిర్వహించారు. ఈ కార్యక్రమానికి బీజేపీ రాష్ట్ర కోశాధికారి వాసుదేవరావు, బీజేపీ మాదాపూర్ కంటెస్టెడ్ కార్పొరేటర్ రాధాకృష్ణ యాదవ్ హాజరై అమ్మవారిని దర్శించుకుని ప్రత్యేక పూజలు నిర్వహించారు. ఈ సందర్భంగా నిర్వహించిన అన్నదాన కార్యక్రమంలోనూ బీజేపీ నాయకులు పాల్గొన్నారు. భక్తులకు అన్నప్రసాదం అందించి సేవా కార్యక్రమంలో భాగస్వాములయ్యారు. భక్తి, సేవాభావం, ఆధ్యాత్మిక విలువలను పెంపొందించే ఇలాంటి కార్యక్రమాలు సమాజంలో ఐక్యత, సోదరభావాన్ని బలోపేతం చేస్తాయని నాయకులు పేర్కొన్నారు.
ఈ కార్యక్రమంలో బీజేపీ ముఖ్య నాయకుడు శ్రీనివాస్ రెడ్డి, ఇజ్జత్ నగర్ డివిజన్ అధ్యక్షుడు రాజేశ్వర్ రెడ్డి, నరేష్ రెడ్డి, కురుమయ్య, పవన్ రెడ్డి, సుధాకర్, ఆనంద్, కుమార్, సురేష్, నవీన్, బాలమ్మ, చెన్నమ్మ, మెగాన్సు యాదవ్, నిఖిల్, శ్రీనివాసులు తదితరులు పాల్గొన్నారు. వీరంతా కార్యక్రమం విజయవంతం కావడానికి తమ సహకారం అందించారు. శ్రీ దుర్గామాత ఆశీస్సులతో ప్రజలందరూ ఆయురారోగ్యాలతో, సుఖసంతోషాలతో, అష్టైశ్వర్యాలతో వర్ధిల్లాలని నాయకులు ఆకాంక్షించారు. భక్తితో అమ్మవారి సేవ, సేవాభావంతో ప్రజలకు చేరువ కావడమే భారతీయ సంస్కృతి, సంప్రదాయాలకు ప్రతీక అని వారు పేర్కొన్నారు.
