శేరిలింగంపల్లి, అక్టోబ‌ర్ 14 (న‌మ‌స్తే శేరిలింగంపల్లి): సైబరాబాద్ మున్సిపల్ కార్పొరేషన్ (సీఎంసీ) పరిధిలో అనధికార నిర్మాణాలపై అధికారులు ఎన్‌ఫోర్స్‌మెంట్ చర్యలను ముమ్మరం చేశారు. శేరిలింగంపల్లి, కూకట్‌పల్లి, కుత్బుల్లాపూర్ జోన్లలో క్షేత్రస్థాయి తనిఖీలు నిర్వహించి అక్రమ నిర్మాణాలపై కూల్చివేత చర్యలు చేపట్టారు. ఈ డ్రైవ్‌లో భాగంగా 15 అనధికార నిర్మాణాలను గుర్తించగా, మొత్తం 16 నిర్మాణాలను కూల్చివేసినట్లు అధికారులు వెల్లడించారు.
సీఎంసీ చేపట్టిన ఎన్‌ఫోర్స్‌మెంట్ చర్యల్లో భాగంగా జోన్ల వారీగా కూల్చివేతలు ఈ విధంగా ఉన్నాయి. శేరిలింగంపల్లి జోన్లో 5 నిర్మాణాలను కూల్చివేయ‌గా, కూకట్‌పల్లి జోన్లో 4 నిర్మాణాలు, కుత్బుల్లాపూర్ జోన్లో 7 నిర్మాణాలు, మొత్తంగా మూడు జోన్ల పరిధిలో 16 నిర్మాణాలను అధికారులు కూల్చివేశారు. భవన నిర్మాణ నిబంధనల అమలును నిర్ధారించడంతోపాటు, అనుమతులు లేకుండా చేపట్టే నిర్మాణాలపై నియంత్రణ కల్పించడమే లక్ష్యంగా ఈ చర్యలు చేపట్టారు.
సీఎంసీ ఎన్‌ఫోర్స్‌మెంట్ బృందాలు మూడు జోన్ల పరిధిలో క్షేత్రస్థాయి తనిఖీలను కొనసాగిస్తున్నాయి. గుర్తించిన ప్రతి కేసులో నిర్దేశిత విధానాలు, వర్తించే నిబంధనల ప్రకారం తదుపరి చర్యలు తీసుకోనున్నాయి. అనధికార నిర్మాణాలపై నిరంతర పర్యవేక్షణ కొనసాగిస్తూ, భవన నిర్మాణ నిబంధనలను ఉల్లంఘించే వారిపై అవసరమైన ఎన్‌ఫోర్స్‌మెంట్ చర్యలు చేపట్టనున్నట్లు కార్పొరేషన్ స్పష్టం చేసింది.
