నమస్తే శేరిలింగంపల్లి : ప్రపంచ ఆరోగ్య దినోత్సవాన్ని పురస్కరించుకొని మియాపూర్ మాతృశ్రీ నగర్ లోని పోతుకూచి సోమ సుందరం సామాజిక సేవా సంస్థ విద్యార్థినీ విద్యార్థులకు ఉచిత దంత పరీక్షలు నిర్వహించారు. ఫ్రెండ్స్ వెల్ఫేర్ అసోసియేషన్ ఆధ్వర్యంలో స్మిత దంత వైద్యశాల, చందానగర్ వైద్యులు డాక్టర్ శ్రీధర్ రెడ్డి దంత పరీక్షలు చేసి అవసరమైన వారికి మందులు పంపిణీ చేశారు. ఏదైన ఒక ఆదివారం అవసరమైన మరికొన్ని ప్రత్యేక పరీక్షలు ఉచితంగా చేస్తామని పేర్కొన్నారు. ఈ సందర్భంగా ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ మాట్లాడుతూ రెగ్యులర్ గా హెల్త్ చెకప్ లు చేయించుకొని వైద్యుల సూచనలు సలహాలను పాటిస్తే ఆరోగ్యాన్ని సంరక్షించుకోవచ్చునని తెలిపారు. కార్యక్రమంలో ట్రస్ట్ ఛైర్మన్ డాక్టర్ శ్రీనివాసు, అధ్యాపకులు మరియు ఫ్రెండ్స్ వెల్ఫేర్ అసోసియేషన్ సభ్యులు మల్లేష్, వాణి సాంబశివరావు, డాక్టర్ కౌశిక్, పాలం శ్రీను, విష్ణు ప్రసాద్ పాల్గొన్నారు.
