నమస్తే శేరిలింగంపల్లి: శేరిలింగంపల్లి నియోజకవర్గాన్ని అన్ని రంగాల్లో అభివృద్ధి చేసి అగ్రగామిగా నిలబెడుతామని ప్రభుత్వ విప్, ఎమ్మెల్యే ఆరెకపూడి గాంధీ అన్నారు. హఫీజ్ పెట్ డివిజన్ పరిధిలోని మదీనగూడ గ్రామంలో చేపట్టాల్సిన అభివృద్ధి పనులపై స్థానిక కార్పొరేటర్ జగదీశ్వర్ గౌడ్ తో కలిసి ప్రభుత్వ విప్, ఎమ్మెల్యే ఆరెకపూడి గాంధీ పాదయాత్ర చేశారు.
అనంతరం ఈర్ల చెరువు నుండి మదీనగూడ మెయిన్ రోడ్డు దీప్తి శ్రీ నగర్ నాలా వరకు రూ.15.88 కోట్లతో చేపట్టిన నాలా విస్తరణ పనులను పరిశీలించారు. హఫీజ్ పేట్ డివిజన్ పరిధిలోని ముంపు ప్రాంతాల్లో నాలా పనులు యుద్ధ ప్రాతిపదికన పూర్తి చేసి ప్రజలకు శాశ్వత పరిష్కారం చూపుతామన్నారు. ప్రతి కాలనీ అభివృద్ధికి పక్కా ప్రణాళికలు రూపొందించి ముంపు ప్రాంతాల్లోని ప్రజలకు శాశ్వత పరిష్కారం చూపేలా నాలా పనులు పూర్తి చేయాలన్నారు. నియోజకవర్గ పరిధిలోని అన్ని డివిజన్లలో అభివృద్ధి పనులు పూర్తి చేసి అగ్రగామిగా నిలబెడుతామని చెప్పారు. ఈ కార్యక్రమంలో వాలా హరీష్ రావు, యాదగిరి ముదిరాజ్, ఆంజనేయులు యాదవ్, మల్లేష్ యాదవ్, శేఖర్ యాదవ్, జనార్దన్ గౌడ్, ప్రసాద్, అశోక్ గౌడ్, శ్రీనివాస్ గౌడ్, వీరా సింగ్, విష్ణు, గట్టయ్య, రాజేష్, శ్రీకాంత్, సతీష్, గోపాల్, నవీన్ యాదవ్ తదితరులు పాల్గొన్నారు.
