నమస్తే శేరిలింగంపల్లి: సంస్కృతి సంప్రదాయాలను కాపాడిన మహనీయులు సేవాలాల్ మహరాజ్ అని మాదాపూర్ డివిజన్ కార్పొరేటర్ జగదీశ్వర్ గౌడ్ అన్నారు. శ్రీ సద్గురు సంత్ సేవాలాల్ మహరాజ్ జయంతి వేడుకలను చందానగర్ డివిజన్ పరిధిలో ఘనంగా నిర్వహించారు. టీఆర్ఎస్ చందానగర్ డివిజన్ టిఆర్ఎస్ అధ్యక్షుడు రఘునాథ్ రెడ్డి తో కలిసి మాదాపూర్ డివిజన్ కార్పొరేటర్ వి.జగదీశ్వర్ గౌడ్ జయంతి వేడుకలను జెండా ఊపి ర్యాలీని ప్రారంభించారు. ఈ సందర్భంగా కార్పొరేటర్ జగదీశ్వర్ గౌడ్ మాట్లాడుతూ దేశం, ధర్మం పట్ల సంత్ సేవాలాల్ చేసిన సేవలను గుర్తు చేసుకున్నారు. గిరిజనుల అభ్యున్నతి కోసం పని చేశారని, సేవాలాల్ మహరాజ్ దైవాంశ స్వరూపులని అన్నారు. ఈ కార్యక్రమంలో శ్రీనివాస్ నాయక్, కృష్ణ నాయక్, ప్రసాద్ నాయక్, నర్సింగ్ నాయక్ తదితరులు పాల్గొన్నారు.
Advertisement
