నమస్తే శేరిలింగంపల్లి: శేరిలింగంపల్లి డివిజన్ లో నెలకొన్న సమస్యలను ఎప్పటికప్పుడు పరిష్కరిస్తూ అభివృద్ధి పథంలో ముందుకు తీసుకెళ్తున్నామని శేరిలింగంపల్లి డివిజన్ కార్పొరేటర్ రాగం నాగేందర్ యాదవ్ అన్నారు. శేరిలింగంపల్లి నియోజకవర్గం లో V5 న్యూస్ చేసిన సర్వే ప్రకారం డివిజన్ లో చేపట్టిన అబివృద్ధి పనులు, సమాజిక సేవలను గుర్తించి శేరిలింగంపల్లి డివిజన్ కార్పొరేటర్ రాగం నాగేందర్ యాదవ్ ను ప్రతిష్టాత్మక అవార్డుకు ఎంపిక చేసింది. ఈ మేరకు కార్పొరేటర్ కార్యాలయంలో నాగేందర్ యాదవ్ కు V5 ప్రతిష్ఠాత్మక అవార్డును ఆ చానల్ సీఈఓ వెంకటేశ్వర్లు చేతుల మీదుగా అందజేశారు. ప్రజా సేవనే పరమావధిగా పనిచేస్తున్నామని, ఈ అవార్డు రావడం ఆనందంగా ఉందని కార్పొరేటర్ రాగం నాగేందర్ యాదవ్ అన్నారు. ప్రజా సమస్యల పరిష్కారానికి ఎల్లప్పుడూ ముందుంటానని చెప్పారు. ఈ అవార్డుకు ఎంపిక చేసిన V5 చానల్ యాజమాన్యానికి ప్రత్యేక కృతజ్ఞతలు తెలిపారు. ఈ కార్యక్రమంలో ఎడిటర్ చంద్రశేఖర్, బ్యూరో చీఫ్ శంకర్, డివిజన్ గౌరవ అధ్యక్షుడు వీరేశం గౌడ్, సీనియర్ నాయకులు మిరియాల రాఘవరావు, మాజీ కౌన్సిలర్ సోమదాసు, సత్యనారాయణ రెడ్డి, వార్డు మెంబర్లు శ్రీకళ, కవిత, పర్వీన్ బేగం, పార్టీ కార్యకర్తలు, మహిళలు పాల్గొన్నారు.
