నమస్తే శేరిలింగంపల్లి: బతుకమ్మ పండగ ఉత్సవాల్లో భాగంగా గురువారం రెండో రోజు అటుకుల బతుకమ్మ సంబరాలు జరుపుకున్నారు. వివేకానంద నగర్ డివిజన్ లో బిజెపి మేడ్చల్ మల్కాజ్‌గిరి (అర్బన్) జిల్లా మహిళా మోర్చా సెక్రెటరీ విద్యా కల్పన ఏకాంత్ గౌడ్ ఆధ్వర్యంలో బతుకమ్మ సంబరాలను నిర్వహించారు. శేరిలింగంపల్లి నియోజకవర్గం ఇంచార్జీ గజ్జల యోగానంద్, మేడ్చల్ (అర్బన్) జిల్లా మహిళా మోర్చా అధ్యక్షురాలు శిల్పా రెడ్డి హాజరయ్యారు. తెలంగాణ రాష్ట్రంలో బతుకమ్మ పండగ సంస్కృతి సాంప్రదాయాలకు ప్రతీకగా నిలుస్తోందని గజ్జల యోగానంద్ అన్నారు. ప్రపంచ వ్యాప్తంగా విశిష్ట గుర్తింపు పొందిందన్నారు. మహిళలు ఆనందోత్సవాల మధ్య బతుకమ్మ పండగ జరుపుకోవడం ఆనందంగా ఉందన్నారు. ఈ కార్యక్రమంలో డివిజన్ అధ్యక్షుడు నర్సింగ్ రావు, మహిళలు భారీ సంఖ్యలో బతుకమ్మ పాల్గొన్నారు.
Advertisement
