న‌మ‌స్తే శేరిలింగంప‌ల్లి: చందాన‌గ‌ర్‌లోని విశాఖ శ్రీ శార‌దా పీఠపాలిత దేవాల‌యాలైన అన్నపూర్ణ ఎన్‌క్లేవ్‌లోని సాయిబాబా దేవాల‌యం అదేవిధంగా శిల్పా ఎన్‌క్లేవ్‌లోని శ్రీ ల‌క్ష్మీ గ‌ణ‌ప‌తి దేవాల‌యాల్లో శ్రీరామ న‌వ‌మి ప‌ర్వ‌దినాన్ని పుర‌స్క‌రించుకుని బుద‌వారం ఉత్స‌వాలు ఘ‌నంగా నిర్వ‌హించారు. అర్చ‌న‌లు, అభిషేకాల‌తో పాటు శ్రీ సీతారామ‌చంద్ర క‌ల్యాణం వైభ‌వంగా జ‌రిగింది. అన్నపూర్ణ ఎన్క్లేవ్ సాయిబాబ దేవాల‌యంలో ప్ర‌ధానార్చ‌కుల ముర‌ళిధ‌ర శ‌ర్మ, శిల్ప ఎన్క్లేవ్ శ్రీ ల‌క్ష్మీగ‌ణ‌ప‌తి దేవాల‌య‌యంలో ప్రధానార్చ‌కులు వేదుల ప‌వ‌న్‌కుమార్ శ‌ర్మ బృందాల పర్య‌వేక్ష‌ణ‌లో జ‌రిగిన ఈ శ్రీరామ న‌వ‌మి వేడుక‌ల‌లో ఆల‌యాల పాల‌క‌మండ‌లి స‌భ్యుల‌తో పాటు ప‌రిస‌ర ప్రాంతాల‌కు చెందిన భ‌క్తులు ప‌రిమిత సంఖ్య‌లో కోవిడ్ నిబంధ‌న‌లు పాటిస్తూ పాల్గొని స్వామివారి క‌ల్యాణాన్ని తిల‌కించారు.
Advertisement
