గోప‌న్‌ప‌ల్లి, గోప‌న్‌ల‌పల్లి తండా, ఎన్టీఆర్ న‌గ‌ర్‌ల‌లో ఘ‌నంగా శ్రీరామ నవమి ఉత్స‌వాలు
న‌మ‌స్తే శేరిలింగంప‌ల్లి: శ్రీరామ నవమి పర్వదినాన్ని పురస్కరించుకొని గచ్చిబౌలి డివిజన్ ప‌రిధిలోని గోప‌న్‌ప‌ల్లి హ‌నుమాన్ దేవాల‌యంలో, గోప‌న్‌ప‌ల్లి తండా శ్రీ వీరాంజ‌నేయ స్వామి దేవాల‌యంలో, ఎన్టీఆర్ న‌గ‌ర్‌లో బిజెపి నాయకులు సుబ్ర‌హ్మ‌ణ్యం ఆద్వ‌ర్యంలో జ‌రిగిన శ్రీ సీతారాముల క‌ల్యాణ మ‌హోత్స‌వాల‌లో స్థానిక కార్పొరేట‌ర్ వి.గంగాధ‌ర్‌రెడ్డి పాల్గొని ప్ర‌త్యేక పూజ‌లు నిర్వ‌హించారు. ఈ సంద‌ర్భంగా గంగాధ‌ర్‌రెడ్డి మాట్లాడుతూ లోకంలో శ్రీరామాయ‌ణానికి మించిన ఆద‌ర్శ గ్రంధం మ‌రోక‌టి లేద‌ని అన్నారు. ఒక పాల‌కుడిగా, కొడుకుగా, అన్న‌గా, భ‌ర్త‌గా, తండ్రిగా ఇలా ప్ర‌తి పాత్ర‌లో శ్రీరాముడి ఇత‌రుల‌కు స్పూర్తిగా నిలిచిన యుగ‌పురుష‌డ‌ని అన్నారు. ఇంత‌కాల‌నికి ఆ ఆద‌ర్శ‌మూర్తి జ‌న్మ‌స్థ‌లమైన అయోధ్యలో భ‌వ్య మందిర నిర్మాణం ప్రారంభ‌మ‌వ్వ‌డం అదృష్ట‌మ‌ని అన్నారు. ఈ కార్య‌క్రమాల‌లో స్థానిక బీజేపీ నాయకులు విట్టల్, విజయ్ బాసనీ, గోప‌న్‌ప‌ల్లి, గోప‌న్‌ప‌ల్లి తండా, ఎన్టీఆర్ నగర్ కాలనీ వాసులు పాల్గొన్నారు.
