పార్టీ పటిష్టతకు సైనికుడిలా పనిచేయాలి

• టిఆర్ఎస్ తీర్థం పుచ్చుకున్న టిడిపి నాయకులు, కార్యకర్తలు
• పార్టీ కండువా కప్పి ఆహ్వానించిన ప్రభుత్వ విప్ గాంధీ

మాదాపూర్ డివిజన్ పరిధిలోని గోకుల్ ప్లాట్స్ కు చెందిన టిడిపిలోని పలువురు నాయకులు , కార్యకర్తలు దాదాపు 50 మంది టిఆర్ఎస్ తీర్థం పుచ్చుకున్నారు. మాదాపూర్ డివిజన్ అధ్యక్షులు ఎర్రగుడ్ల శ్రీనివాస్ ఆధ్వర్యంలో మియాపూర్ డివిజన్ కార్పొరేటర్ ఉప్పలపాటి శ్రీకాంత్ సమక్షంలో వారికి ప్రభుత్వ విప్ ఆరెక పూడి గాంధీ తెరాస పార్టీ కండువా కప్పి పార్టీ లోకి సాదరంగా ఆహ్వానించారు. ఈ సందర్భంగా ప్రభుత్వ విప్ గాంధీ మాట్లాడుతూ ప్రభుత్వ సంక్షేమ పథకాలను చూసి ఇతర పార్టీలకు చెందిన సీనియర్ నాయకులు సైతం తమ వెంట రావడం పార్టీకి శుభసూచకం అన్నారు. టీడీపీ పార్టీ నాయకులు, కార్యకర్తలు టిఆర్ఎస్ తీర్థం పుచ్చుకోవడం చాలా సంతోషకరమైన విషయమని , వారి ఆశీర్వాదంతో, వారి సూచనలు, సలహాలతో పార్టీని మరింత బలోపేతం చేయడానికి కృషి చేస్తామన్నారు. ప్రతి ఒక్కరు తెరాస పార్టీ పటిష్టతకు సైనికుడిగా పనిచేయాలని, తెరాస పార్టీని బలోపేతం చేయాలని పేర్కొన్నారు. అందరికి మంచి భవిష్యత్తు ఉంటుందని, ప్రతి కార్యకర్తను కంటికి రెప్పలా చూసుకుంటామని, ప్రతి ఒక్కరం కష్టపడి బంగారు తెలంగాణలో భాగస్వాములమవుదామని గాంధీ పేర్కొన్నారు. ఈ కార్యక్రమంలో టీడీపీ నుండి తెరాస పార్టీలోకి చేరిన వారిలో ముఖ్య నాయకులు వసంత్, ప్రసాద్, సాయి, శ్రీకాంత్, అశోక్, జగదీష్, శివ, మహేష్, నాని, ప్రవీణ్, రాజేష్, రవి ఉన్నారు. కార్యక్రమంలో శేరిలింగంపల్లి డివిజన్ అధ్యక్షులు మారబోయిన రాజు యాదవ్, తెరాస నాయకులు బ్రిక్ శ్రీనివాస్, గుమ్మడి శ్రీనివాస్, పితాని శ్రీనివాస్, రాబిన్, సైదేశ్వర్ రావు పాల్గొన్నారు.

Advertisement