నమస్తే శేరిలింగంప‌ల్లి: మాదాపూర్ డివిజ‌న్ ప‌రిధిలోని ఖానామెట్ స‌ర్వేనెంబ‌రు 44/14 లోగల స్మ‌శాన‌వాటిక స్థ‌లాన్ని వేలం వేసే విష‌యాన్ని పునఃప‌రిశీలించాల‌ని కోరుతూ కార్పొరేట‌ర్ జగదీశ్వర్గౌడ్ గ్రేట‌ర్ మేయ‌ర్ గద్వాల్ విజ‌య‌ల‌క్ష్మికి విన‌తిప‌త్రం స‌మ‌ర్పించారు. ఇజ్జ‌త్‌న‌గ‌ర్ వీక‌ర్‌సెక్ష‌న్ బ‌స్తీలో నివాస‌ముండే బ‌డుగు బ‌ల‌హీన వ‌ర్గాల‌కు చెందిన ప్ర‌జ‌లు ఈ స్థ‌లంలోనే గ‌త 30 సంవ‌త్స‌రాలుగా త‌మ కుటుంబ స‌భ్యులు అంత్య‌క్రియ‌లు నిర్వ‌హించుకుంటున్నార‌ని తెలిపారు. ఇప్ప‌టికే స్మ‌శాన‌వాటిక అభివృద్దికి కృషి చేస్తున్నామ‌ని, ఈ విష‌యాన్ని దృష్టిలో ఉంచుకుని ప్ర‌జ‌ల‌కు న్యాయం చేయాల‌ని కోరారు. ఈ కార్యక్రమంలో నాయకులు బ్రమయ్య యాదవ్, తైలి కృష్ణ, రంగ స్వామి, కేశవులు, శ‌శిధర్, నర్సింగ్ నాయక్, సైయ్యద షకీల్, ఎం.డి అమీర్, సైయ్యద రఫిక్, సిరాజ్ హుస్సేన్, సీత‌మ్మ త‌దిత‌రులు పాల్గొన్నారు.
