నమస్తే శేరిలింగంపల్లి: మాదాపూర్ లోని శిల్పారామంలో వేసవి సెలవులను దృష్టిలో ఉంచుకుని సమ్మర్ ఫెస్టివల్ క్యాంపు సోమవారం నుంచి ప్రారంభమైంది. ఈ క్యాంపులో మట్టి కుండల తయారీ, మట్టి బొమ్మలు, మధుబని పెయింటింగ్, నిర్మల్ పెయింటింగ్, ఆకరిలీక్ పెయింటింగ్, ట్రైబల్ పెయింటింగ్, సంస్కృతం మాట్లాడడం, భగవత్ గీత శ్లోకాలలో పదిహేను రోజుల ట్రైనింగ్ శిల్పారామం ఆవరణలో శిక్షణ ఇవ్వనున్నట్లు శిల్పారామం సిబ్బంది తెలిపారు. పిల్లల నుండి పెద్దల వరకు వచ్చి నేర్చుకోవచ్చని, వీరికి శిల్పారామం లో ఉన్న హస్తకళాకారులు నేర్పిస్తున్నారన్నారు. ఆసక్తి గల వారు శిల్పారామం కార్యాలయంలో సంప్రదించగలరు.
Advertisement
