శేరిలింగంప‌ల్లి (న‌మ‌స్తే శేరిలింగంప‌ల్లి): శేరిలింగంప‌ల్లిలోని మియాపూర్ మ‌క్తా మ‌హ‌బూబ్‌పేట‌కు చెందిన ఆర్‌కేవై టీం సొసైటీగా ఏర్ప‌డింది. సొసైటీ అధ్య‌క్షుడిగా గంగారం మ‌ల్లేష్, ఉపాధ్య‌క్షుడిగా సారా ర‌వీంద్ర, ప్ర‌ధాన కార్య‌ద‌ర్శిగా గుండె గ‌ణేష్ ముదిరాజ్‌, సంయుక్త కార్య‌ద‌ర్శిగా జ‌జెరొ శ్రీ‌నివాస్‌, కోశాధికారిగా జ‌జెరొ శ్రీ‌ధ‌ర్‌, ఈసీ మెంబ‌ర్‌గా మ‌సిరెడ్డి జ‌య‌చంద్రారెడ్డిలు ప‌దవీ బాధ్య‌త‌లు చేప‌ట్టారు. ఈ సంద‌ర్భంగా వారు శేరిలింగంప‌ల్లి బీజేపీ సీనియ‌ర్ నాయ‌కుడు ర‌వికుమార్ యాద‌వ్‌ను క‌లిశారు. ర‌వికుమార్ యాద‌వ్ మాట్లాడుతూ ఆర్‌కేవై టీం సొసైటీగా ఏర్ప‌డ‌డం అభినంద‌నీయ‌మ‌న్నారు. భ‌విష్య‌త్తులోనూ స‌మాజ సేవా కార్య‌క్ర‌మాల‌ను కొన‌సాగించాల‌ని ఆయ‌న సూచించారు. ఈ సంద‌ర్బంగా ఆర్‌కేవై టీమ్ సొసైటీ రిజిస్ట్రేష‌న్ ప‌త్రాల‌ను నాయకులు ర‌వికుమార్ యాద‌వ్‌కు అంద‌జేశారు.
