న‌మ‌స్తే శేరిలింగంప‌ల్లి: మియాపూర్ డివిజన్ పరిధిలోని రెడ్డిస్ ఎన్‌క్లేవ్‌లో హ‌రిత హారం కార్య‌క్ర‌మం నిర్వ‌హించారు. కాల‌నీలోని జీహెచ్ఎంసీ పార్కులో కాలనీ వాసులతో కలిసి స్థానిక కార్పొరేట‌ర్ ఉప్ప‌లాపాటి శ్రీకాంత్ మొక్కలు నాటారు. ఈ సంద‌ర్భంగా ఆయ‌న మాట్లాడుతూ కాల‌నీలో ప‌చ్చ‌ద‌నం, ప‌రిశుభ్ర‌త విష‌యంలో సంబంధిత సిబ్బందితో పాటు స్తానికులు సైతం ప్ర‌త్యేక దృష్టి సారించాల‌ని సూచించారు. వేస‌విని దృష్టిలో ఉంచుకుని, మొక్క‌ల సంర‌క్ష‌ణ భాద్య‌త‌లు తీసుకోవాల‌ని అన్నారు. ఈ కార్యక్రమంలో నాయ‌కులు ప్రతాప్ రెడ్డి, డాక్ట‌ర్‌ మల్లికార్జున్ రెడ్డి, అమరెందర్ రెడ్డి, జ్యోతి కుమార్, శివయ్య, రెడ్డిస్ ఎన్‌క్లేవ్‌ యూత్, కలనీవాసులు పాల్గొన్నారు.
Advertisement
