నమస్తే శేరిలింగంపల్లి: బిజెపి రాష్ట్ర నాయకులు రవికుమార్ యాదవ్ జన్మదిన వేడుకలు ఘనంగా జరిగాయి. బిజెపి రాష్ట్ర అధ్యక్షుడు బండి సంజయ్ ప్రజా సంగ్రామ యాత్ర 2 విఢత ముగింపు సభ విజయవంతమైనందుకు రవికుమార్ యాదవ్ మర్యాదపూర్వకంగా బండి సంజయ్ ను కలిశారు. రవికుమార్ యాదవ్ కు శాలువా కప్పి జన్మదిన శుభాకాంక్షలు తెలిపారు.
బిజెపి పార్టీ రాష్ట్ర సీనియర్ నాయకులు రవి కుమార్ యాదవ్ జన్మదిన వేడుకలు మసీదుబండ కొండాపూర్ పార్టీ కార్యాలయంలో బిజెపి శ్రేణులు, కార్యకర్తలు ఘనంగా నిర్వహించారు. రవికుమార్ యాదవ్ ను గజమాలలు, శాలువాలతో సత్కరించి జన్మదిన శుభాకాంక్షలు తెలిపారు. అనంతరం మహిళా మోర్చా ఆధ్వర్యంలో పారిశుద్ధ్య కార్మికులకు చీరలను పంపిణీ చేశారు.
కొండాపూర్ లోని రవి కుమార్ యాదవ్ కార్యాలయంలో గచ్చిబౌలి డివిజన్ కార్పొరేటర్ గంగాధర్ రెడ్డి, గచ్చిబౌలి డివిజన్ నాయకులు, కార్యకర్తలు, అభిమానులు రవికుమార్ యాదవ్ తో జన్మదిన కేకును కట్ చేయించారు. గచ్చిబౌలి డివిజన్ కార్పొరేటర్ గంగాధర్ రెడ్డి మాట్లాడుతూ ప్రజాసేవలో నిరంతరం ప్రజల కోసం పాటుపడుతూ ఎల్లవేళలా సుఖసంతోషాలతో ఆయురారోగ్యాలతో ఉండాలని ఆకాంక్షించారు. ఈ కార్యక్రమంలో మాదాపూర్ కంటెస్టెంట్ కార్పొరేటర్ రాధాకృష్ణ యాదవ్, శేరిలింగంపల్లి డివిజన్ బిజెపి కంటెస్టెడ్ కార్పొరేటర్ కంచర్ల ఎల్లేష్, రాష్ట్ర నాయకులు, జిల్లా నాయకులు, డివిజన్ నాయకులు, బిజెవైఎం నాయకులు, మహిళా మోర్చా నాయకులు, మహిళా నాయకులు,కార్యకర్తలు,అభిమానులు పెద్ద సంఖ్యలో పాల్గొన్నారు.
మసీద్ బండలోని రవి కుమార్ యాదవ్ నివాసంలో జన్మదిన వేడుకలు ఘనంగా జరిగాయి. బిజెపి నాయకులు, కార్యకర్తలు జన్మదిన శుభాకాంక్షలు తెలిపారు. ఈ కార్యక్రమంలో రంగారెడ్డి అర్బన్ జిల్లా బిజెవైఎం ప్రధాన కార్యదర్శి కుమ్మరి జితేందర్, బిజెపి జిల్లా కార్యవర్గ సభ్యులు గొల్లపల్లి శ్రీనివాస్ రెడ్డి , బిజెవైఎం నాయకులు శివ గౌడ్, ఆకుల సందీప్, శివ కుమార్, నవీన్ రెడ్డి, సామ్రాట్ గౌడ్, వినోద్ చౌదరి తదితరులు పాల్గొన్నారు.
