నమస్తే శేరిలింగంపల్లి: హఫీజ్ పేట్ డివిజన్ పరిధిలోని ప్రతి కాలనీ, బస్తీలో ప్రజలకు మెరుగైన మౌళికవసతుల కల్పనకు కృషి చేస్తామని హఫీజ్ పేట్ డివిజన్ కార్పొరేటర్ పూజితజగదీశ్వర్ గౌడ్ పేర్కొన్నారు. హఫీజ్ పేట్ డివిజన్ పరిధిలోని అర్టీసీ కాలనీ, అల్విన్ కాలనీ, ఇంజినీరింగ్ ఎన్ క్లేవ్ లో మాదాపూర్ డివిజన్ కార్పొరేటర్ జగదీశ్వర్ గౌడ్ తో కలిసి స్థానిక కార్పొరేటర్ పూజితజగదీశ్వర్ గౌడ్ పర్యటించారు. కాలనీల్లో నెలకొన్న సమస్యలను అడిగి తెలుసుకున్నారు. అండర్ గ్రౌండ్ డ్రైనేజీ సమస్యలు, నూతనంగా చేపట్టాల్సిన సీసీ రోడ్డు నిర్మాణ పనులను పరిశీలించారు. ఈ సందర్భంగా పూజితజగదీశ్వర్ గౌడ్ మాట్లాడుతూ ప్రజలకు అవసరమయ్యే మౌలికవసతుల కల్పనకు కృషి చేస్తామన్నారు. దశల వారీగా అభివృద్ధి పనులు చేపట్టి డివిజన్ అభివృద్ధికి పాటుపడుతామని చెప్పారు. ఈ కార్యక్రమంలో నాయకులు కృష్ణ ముదిరాజ్, ధర్మా రెడ్డి, మల్లేష్, దామోదర్ రెడ్డి, కృష్ణ,ఆంజనేయులు, విఘ్నేశ్వర రెడ్డి, కోటేశ్వర, సుబ్రమణ్య రాజు, జగన్ తదితరులు పాల్గొన్నారు.
