నమస్తే శేరిలింగంపల్లి: మాదాపూర్, హఫీజ్ పెట్ డివిజన్ పరిధిలోని నెలకొన్న సమస్యల పరిష్కారానికి పలు అభివృద్ధి పనులు చేపట్టేలా చర్యలు తీసుకోవాలని మాదాపూర్ డివిజన్ కార్పొరేటర్ జగదీశ్వర్ గౌడ్ జడ్సీ ఆల ప్రియాంకను కోరారు. ఈ మేరకు శనివారం జోనల్ కమినర్ కార్యాలయంలో జడ్సీ ప్రియాంకను కలిసి వినతి పత్రం అందజేశారు. ఈ సందర్భంగా జగదీశ్వర్ గౌడ్ మాట్లాడుతూ మాదాపూర్, హఫీజ్ పెట్ డివిజన్ పరిధిలోని ప్రతి కాలనీ, బస్తి అభివృద్ధికి కృషి చేస్తున్నామని అన్నారు. డివిజన్ లో నెలకొన్న సమస్యల పరిష్కారానికి అభివృద్ధికి పనులు చేపట్టాల్సి ఉందన్నారు. అందుకు నిధులు మంజూరు చేయాలని, ముఖ్యంగా అండర్ గ్రౌండ్ డ్రైనేజీ, సీసీ రోడ్లు ఏర్పాటు చేయాలని జడ్సీని కోరారు.
Advertisement
