నమస్తే శేరిలింగంపల్లి:చందానగర్ శ్రీ వెంకటేశ్వర స్వామి దేవాలయంలో కొనసాగుతున్న హరిహరుల వైభవోత్సవ లో భాగంగా ఆదివారం సినీ నటులు, నిర్మాత దర్శకులు మోహన్ బాబు, ఫోనిక్స్ కన్స్ట్రక్షన్ అధినేత సురేష్ హాజరై వెంకటేశ్వర స్వామిని దర్శించుకుని ప్రత్యేక పూజలు చేశారు. అనంతరం విశాఖ శ్రీ శారదా పీఠాధిపతి స్వరూపానందేంద్ర స్వామి ఆశీర్వాదం తీసుకున్నారు. స్వామి వారిని దర్శించుకోవడం ఆనందంగా ఉందని మోహన్ బాబు పేర్కొన్నారు. శ్రీ శారద పీఠం శాశ్వత సభ్యులు మిర్యాల రాఘవరావు, ఆలయ కమిటీ అధ్యక్షుడు రఘుపతి రెడ్డి, ఉపాధ్యక్షులు అశోక్ గౌడ్, ప్రవీణ్, శేషయ్య మోహన్ బాబును కలిశారు.
Advertisement
