వివేకానంద‌న‌గ‌ర్‌ (న‌మ‌స్తే శేరిలింగంప‌ల్లి): కరోనా టీకాను ఉచితంగా అందిస్తున్న ప్రధాని నరేంద్ర మోడీకి వివేకానంద నగర్ డివిజన్ బిజెపి నాయకుడు ఉప్పల ఏకాంత్ గౌడ్ ఆధ్వర్యంలో పాలాభిషేకం నిర్వ‌హించారు. ఈ సంద‌ర్భంగా ఏకాంత్ గౌడ్ మాట్లాడుతూ ప్రపంచాన్ని అతలాకుతలం చేసిన కరోనా మహమ్మారిని అంతం చేసే కరోనా టీకాను కనిపెట్టిన శాస్త్రవేత్తలకు ధన్యవాదాలు తెలియజేశారు. ప్రపంచ దేశాలు అక్కడి ప్రజలకు టీకాలను అమ్ముతుంటే ప్రధాని మాత్రం టీకాలను ఉచితంగా ఇవ్వడం సంతోషకరమని అన్నారు. ముందుగా కరోనా ఫ్రంట్‌లైన్ వారియర్స్ లకు టీకాను ఉచితంగా అందిస్తున్నార‌ని తెలిపారు. ప్రధాని మోడీ దేశం, ప్రజల కోసం అహర్నిశలు శ్రమిస్తున్నారని అన్నారు. ఈ కార్యక్రమంలో నామాల శ్రీనివాస్, అశోక్, దయాకర్ రెడ్డి, రమేష్, బొట్టు శ్రీను, భానుయాదవ్, సంతోష్, అరవింద్ యాదవ్, జితేందర్, రాజు గౌడ్, భాస్కర్ పాల్గొన్నారు.
